Надградбата на нокти стана хит на деценијата

Надградбата на нокти стана хит на деценијата

Надградбата на нокти стана хит на деценијата во Европа, Америка, Австралија, Азија. Понежниот пол се почесто го практикува стилизирањето и разубавувањето на ноктите како врвен елемент во козметиката. Досега во целиот свет се познати два типа т.е. две техники за изработка на надградба на нокти и тоа:

гел техника
акрил техника

И двете техники се хемиски слични по состав но сепак се разликуваат. Гелот се суши под УВ.лампа додека акрилот се суши во допир со воздухот и тоа за многу кратко време. Во секојдневието слушаме различни критики за двете техники, но моето работно искуство од 7 години како професионален стилист и едукатор ме наведоа да го мислам следното.Се зборува дека едните се подобри па другите итн…за мене се добри и двете техники доколку се одберат соодветни производи. Јас работам со светски познатиот бренд за гелови IBD и најпознатиот бренд за акрил EzFlow. Тие се препарати со врвен квалитет и конечно препарати кои воопшто и не го оштетуваат природниот нокт. Надградбата на нокти е третман кој што трае околу два часа. За да изгледате средено, современо и модерно потребно е да одвоите време и тоа само еднаш месечно, или кај некои 3 пати во два месеца за вашите нокти да изгледаат како што и доликува на современата жена.

Постои една општо позната дилема какви нокти да си направите, дали акрил или гел, дали лиени или на типс. Двете техники се аплицираат и на типс и на шаблон. Познати како лиени нокти постојат и во акрил и во гел техника. Која техника ке ја одберете е Ваша желба, но и секако консултација со стилистот што повеќе ќе одговара за совршен изглед на вашите нокти. Јас лично преферирам да работам со акрил.
Колку се издржливи и трајни надградените нокти е едно од најчесто поставуваните прашања. Надградените Нокти може да се носат неограничено. Откако ке се наместат потребно е на секои 3-4 недели да се направи дополнување на истите. Колку пати е поцврст надградениот нокт од природниот можам само да ви кажам многу, многу пати!

Обликуваме и правиме секакви декорации, со акрил или гел во боја, декорации со Сваровски Кристали, Бисери, суви цвеќиња или пак 3Д цвеќиња и други 3Д фигури. Секако постојат модни трендови и за тоа колку долги нокти се во тренд или каков дизајн е хит моментално, но сепак јас мислам дека тоа е одлука на Вас драги мои. И долгите и пократките нокти може да изгледаат совршено убаво, а дизајнот е одлика на Вас, на Вашата гардероба, Вашата личност, Вашиот карактер…

1 thought on “Надградбата на нокти стана хит на деценијата”

  1. zdravo zakam da mi kazete koja e cenata na kursot za gel a kolku za akril i kolku vreme trebe da se odi toj kurs za kolku vreme se uci i dali isto taka mozat da se kupat od kajvas proizvodi za rabota odnapred blagodarnost

Leave a Comment